Daedalus and icarus
Original Text
Notes
Translation
Quiz
Context Essay
Artistic Analysis Essay
Contact
Bibliography
original latin text
Van Dyck, Anthony. Daedalus and Icarus. 1630.
Daedalus intereā Crētēn longumque perōsus
exilium tactusque locī nātālis amōre
clausus erat pelagō. 'terrās licet' inquit 'et undās 185
obstruat: at caelum certē patet; ībimus illāc:
omnia possideat, nōn possidet āera Mīnōs.'
dīxit et ignōtās animum dīmittit in artēs
nātūramque novat. nam pōnit in ōrdine pennās
ā minimā coeptās, longam breviōre sequentī, 190
ut clīvō crēvisse putēs: sīc rūstica quondam
fistula disparibus paulātim surgit avēnīs;
tum līnō mediās et cērīs alligat īmās
atque ita conpositās parvō curvāmine flectit,
ut vērās imitētur avēs. puer Īcarus ūnā 195
stābat et, ignārus sua sē tractāre perīcla,
ōre renīdentī modo, quās vaga mōverat aura,
captābat plūmās, flāvam modo pollice cēram
mollībat lūsūque suō mīrābile patris
impediēbat opus. postquam manus ultima coeptō 200
inposita est, geminās opifex lībrāvit in ālās
ipse suum corpus mōtāque pependit in aurā;
īnstruit et natum 'mediō' que 'ut līmite currās,
Īcare,' ait 'moneō, nē, sī dēmissior ībis,
unda gravet pennās, sī celsior, ignis adūrat: 205
inter utrumque volā. nec tē spectāre Boōtēn
aut Helicēn iubeō strīctumque Ōrīonis ēnsem:
mē duce carpe viam!' pariter praecepta volandī
tradit et ignōtās umerīs accommodat ālās.
inter opus monitūsque genae maduēre senīlēs, 210
et patriae tremuēre manūs; dedit ōscula natō
nōn iterum repetenda suō pennīsque levātus
ante volat comitīque timet, velut āles, ab altō
quae teneram prōlem prōdūxit in āera nīdō,
hortāturque sequī damnōsāsque ērudit artēs 215
et movet ipse suās et nātī respicit ālās.
hōs aliquis tremulā dum captat harundine piscēs,
aut pāstor baculō stīvāve innīxus arātor
vīdit et obstipuit, quīque aethera carpere possent,
crēdidit esse deōs…. 220
Fixes:
186:
The Latin Library uses
et
,
but Tarrant uses
at
with no explanation.
et
doesn't make sense, so it's probably just an error.
Cited:
Ovid.
Metamorphoses
. Ed. Richard J. Tarrant. N.p.: Oxford, 2004. Print.
Last update:
4/12/15